За нацысцкую выхадку фанатаў ФК "Дынама" (Мінск) аштрафаваны на 245 млн. рублёў
06.05.2010
—
Новости Спорта
Такое рашэнне прыняў дысцыплінарны камітэт Беларускай федэрацыі футбола на пасяджэнні 6 мая, інфармуе прэс-служба БФФ. Гэта самы буйны штраф у гісторыі беларускага футбола.Вердыкт можа быць абскарджаны ў апеляцыйным камітэце федэрацыі, паведаміла БелаПАН супрацоўніца прэс-службы Юлія Зяньковіч.
Раней было аб'яўлена, што "Дынама" можа быць аштрафавана на 10 тыс. базавых велічынь — 350 млн. рублёў.
28 красавіка падчас матчу "Дынама" — "Віцебск" на трыбуне быў вывешаны банер, які ўслаўляў аднаго з дзеячаў фашысцкай Германіі Рудольфа Геса. 26 красавіка споўнілася 116 гадоў з дня нараджэння гэтага ваеннага злачынца, прыгаворана Нюрнбергскім трыбуналам да пажыццёвага зняволення.
Старшыня дысцыплінарнага камітэта БФФ Уладзімір Вітушка заявіў, што гэта — "абуральны выпадак не толькі для футбольнай грамадскасці, але і для ўсяго беларускага грамадства". "Будуць прыняты самыя сур'ёзныя меры да арганізатараў і ўдзельнікаў гэтага мерапрыемства", — сказаў Вітушка.
У БФФ з адкрытым лістом на імя старшыні Генадзя Нявыгласа звярнуліся прадстаўнікі ініцыятыўнай групы балельшчыкаў "Дынама". "Мы, актыўныя і пастаянныя балельшчыкі <…>, выступаем з абурэннем і асуджэннем дзеянняў асобна ўзятых прадстаўнікоў прафашысцкага руху, якія праніклі на матч з ФК "Віцебск" пад выглядам фанатаў нашага клуба, — гаворыцца ў лісце. — На жаль, з прычыны занятасці асноўных прадстаўнікоў фанацкага руху на працы — гульня праходзіла ў будны дзень — мы не змаглі папярэдзіць і спыніць экстрэмісцкую выхадку, якая ганьбуе гонар балельшчыкаў "Дынама", самога клуба і ўсяго беларускага народа".
Аўтары ліста "ад імя сапраўдных балельшчыкаў" ФК "Дынама" прыносяць "шчырыя выбачэнні" ветэранам Вялікай Айчыннай вайны, "усяму народу Рэспублікі Беларусь", абяцаюць "выявіць правакатараў і не дапусціць паўтору такіх акцый у будучыні".
ФК "Дынама" выступіў з афіцыйнай заявай, у якой гаворыцца, што клуб "абураны і шакіраваны" інцыдэнтам і "расцэньвае гэтую экстрэмісцкую акцыю як правакацыю, скіраваную супраць клуба, яго балельшчыкаў і ўсяго беларускага футбола".
Клуб "гатовы аказаць праваахоўным органам любое садзейнічанне, каб асобы, якія выкарыстоўваюць футбол для прапаганды фашызму і няславяць імя клуба, былі выяўлены і прыцягнуты да адказнасці".
Раней было аб'яўлена, што "Дынама" можа быць аштрафавана на 10 тыс. базавых велічынь — 350 млн. рублёў.
28 красавіка падчас матчу "Дынама" — "Віцебск" на трыбуне быў вывешаны банер, які ўслаўляў аднаго з дзеячаў фашысцкай Германіі Рудольфа Геса. 26 красавіка споўнілася 116 гадоў з дня нараджэння гэтага ваеннага злачынца, прыгаворана Нюрнбергскім трыбуналам да пажыццёвага зняволення.
Старшыня дысцыплінарнага камітэта БФФ Уладзімір Вітушка заявіў, што гэта — "абуральны выпадак не толькі для футбольнай грамадскасці, але і для ўсяго беларускага грамадства". "Будуць прыняты самыя сур'ёзныя меры да арганізатараў і ўдзельнікаў гэтага мерапрыемства", — сказаў Вітушка.
У БФФ з адкрытым лістом на імя старшыні Генадзя Нявыгласа звярнуліся прадстаўнікі ініцыятыўнай групы балельшчыкаў "Дынама". "Мы, актыўныя і пастаянныя балельшчыкі <…>, выступаем з абурэннем і асуджэннем дзеянняў асобна ўзятых прадстаўнікоў прафашысцкага руху, якія праніклі на матч з ФК "Віцебск" пад выглядам фанатаў нашага клуба, — гаворыцца ў лісце. — На жаль, з прычыны занятасці асноўных прадстаўнікоў фанацкага руху на працы — гульня праходзіла ў будны дзень — мы не змаглі папярэдзіць і спыніць экстрэмісцкую выхадку, якая ганьбуе гонар балельшчыкаў "Дынама", самога клуба і ўсяго беларускага народа".
Аўтары ліста "ад імя сапраўдных балельшчыкаў" ФК "Дынама" прыносяць "шчырыя выбачэнні" ветэранам Вялікай Айчыннай вайны, "усяму народу Рэспублікі Беларусь", абяцаюць "выявіць правакатараў і не дапусціць паўтору такіх акцый у будучыні".
ФК "Дынама" выступіў з афіцыйнай заявай, у якой гаворыцца, што клуб "абураны і шакіраваны" інцыдэнтам і "расцэньвае гэтую экстрэмісцкую акцыю як правакацыю, скіраваную супраць клуба, яго балельшчыкаў і ўсяго беларускага футбола".
Клуб "гатовы аказаць праваахоўным органам любое садзейнічанне, каб асобы, якія выкарыстоўваюць футбол для прапаганды фашызму і няславяць імя клуба, былі выяўлены і прыцягнуты да адказнасці".