Штанга ўпала на цяжкаатлета Генадзя Махвееня (фота)

Беларускі цяжкаатлет ў катэгорыі да 62 кг Генадзь Махвееня атрымаў траўму падчас выступу на Чэмпіянаце Еўропы па цяжкай атлетыцы, што распачаўся ў Мінску 6 красавіка.

Цяпер спартсмен знаходзіцца ў 6-ай клінічнай бальніцы. Як паведаміў «НН» галоўны трэнер нацыянальнай каманды Беларусі Аляксандр Ганчароў, Генадзю Махвееню, паводле вынікаў папярэдняга медыцынскага агляду, нічога не пагражае. Сёння дактары плануюць працягнуць абследаванні.

«Наша Ніва», фота bymedia.net