Еўра‑2012: дэбютуем на выездзе супраць Францыі, потым гульня дома з Румыніяй

У Люксембургу ў пятніцу, 19 лютага, прайшла рабочая нарада па складанні календара матчаў адборачнага раунда чэмпіянату Еўропы па футболе 2012 года ў групе D, у якой, нагадаем, разам з беларусамі выступяць зборныя Францыі, Румыніі, Босніі і Герцагавіны, Албаніі, Люксембургу.

Як паведаміў кіраўнік беларускай дэлегацыі, намеснік Старшыні АБФФ Міхаіл Вергяенка, у выніку працяглых перамоваў прыняты наступны каляндар:

2010 год

3 або 4 верасня

Францыя — Беларусь, Люксембург — Боснія; Румынія — Албанія.

7 верасня
Беларусь — Румынія; Албанія — Люксембург; Боснія — Францыя

8 кастрычніка
Люксембург — Беларусь

8 ці 9 кастрычніка
Францыя — Румынія; Албанія — Боснія.

12 кастрычніка
Беларусь — Албанія; Францыя — Люксембург.

2011 год

25 або 26 сакавіка
Люксембург — Францыя; Боснія — Румынія

26 сакавіка
Албанія — Беларусь

29 сакавіка
Румынія — Люксембург.

3 чэрвеня

Беларусь — Францыя.

3 або 4 чэрвеня
Румынія — Боснія.

7 чэрвеня
Беларусь — Люксембург; Боснія — Албанія.

2 або 3 верасня
Беларусь — Боснія; Люксембург — Румынія; Албанія — Францыя

6 верасня
Боснія — Беларусь; Румынія — Францыя; Люксембург — Албанія.

7 кастрычніка
Румынія — Беларусь

7 або 8 кастрычніка
Боснія — Люксембург; Францыя — Албанія

11 кастрычніка
Францыя — Боснія; Албанія — Румынія.

***

Галоўны трэнер нацыянальнай зборнай Беларусі Бернд Штанге пракаментаваў прэс-службе Беларускай федэрацыі футбола каляндар гульняў наступным чынам:

«Перамовы доўжыліся пяць гадзін і былі вельмі напружаныя. У выніку прадстаўнікі ўсіх камандаў павінны былі пайсці на вялікія саступкі.

Пачатак нам выпаў нялёгкі. Мы дэбютуем на выездзе супраць Францыі, а потым гуляем Румыніяй. Самая вялікая праблема заключаецца ў тым, што з Албаніяй на выездзе нам прыйдзецца гуляць у сакавіку.

Тут мы былі вымушаныя пайсці на вялікі кампраміс. Я рады за заўзятараў, бо матчы ў Беларусі пройдуць пры добрых умовах надвор"я: у пачатку верасня і ў чэрвені. Перакананы, у нас добрая каманда і мы гатовыя да барацьбы».

***

На чэмпіянат Еўропы па футболе 2012 года выходзяць наўпрост пераможцы дзевяці груп

і зборная, што зойме ў сваёй групе 2-е месца, паказаўшы найлепшы вынік сярод астатніх зборных, што зоймуць другія месцы ў сваіх групах (9+1).

Астатнія чатыры пуцёўкі будуць разыграныя ў стыкавых матчах сярод зборных, што зоймуць у сваіх групах другія месцы.

Чэмпіянат Еўропы 2012 года пройдзе у Польшчы і ва Украіне, зборныя гэтых краінаў вызваленыя ад адборачных гульняў