Калачоў заключыў кантракт з «Растовам»

Клуб расійскай прэм’ер‑лігі «Растоў» заключыў 28 студзеня двухгадовы кантракт з паўабаронцам зборнай Беларусі Цімафеем Калачовым, паведамляе афіцыйны сайт клуба.

28‑гадовы Калачоў выступаў за «Растоў» у 2006‑2007 гг., а ў 2008‑2009 гадах гуляў за «Крылы Саветаў».

За «Растоў» выступае яшчэ адзін беларус — Аляксандр Кульчы, у сезоне 2010 за каманду на правах арэнды будзе выступаць і экс‑гулец БАТЭ Анры Хагуш, які мінулы сезон быў здадзены «Рубінам» у арэнду «Кубані».

Чэмпіянат Расіі стартуе 12 сакавіка. «Растоў» першы матч правядзе дома з клубам «Томь».

У сезоне-2009 «Растоў» фінішаваў 14-м.

За «Растоў» таксама будзе выступаць форвард Раман Адамаў (арэнда), і галкіпер Дэян Радзіч.