Пра надвор'е

Заўтра магнітных бур на тэрыторыі нашай краіны не прагназуецца. Геамагнітны фон - ад спакойнага да слабаўзбуранага. 28 чэрвеня ў народным календары Амос. У гэты дзень аглядалі авёс і казалі: "Прыйшоў Амос - цягне ў гору авёс". І прыкмячалі: конікі гучней за звычайнае стракочуць - чакай ападкаў; асот палявы не раскрыў свае кветкі за ўвесь дзень - заўтра чакай дажджу. Інфармацыя з гісторыі метэаназіранняў: самая халодная ноч была на станцыі "Палеская" ў 1978 годзе - менш за 1 з паловай градус цяпла, а самы цёплы дзень - у 1963-м, у Брэсце тэрмометры паказалі 33 градусы цяпла.