Пра надвор'е

Сёння надвор'е на тэрыторыі Беларусі вызначалі няўстойлівая цёплая паветраная маса і атмасферны фронт. Амаль па ўсёй краіне прайшлі кароткачасовыя дажджы, адзначаліся і навальніцы.

Заўтра магнітных бур на тэрыторыі нашай краіны не прагназуецца. Геамагнітны фон – ад спакойнага да слабаўзбуранага. 16 мая ў народным календары Маўра. Прыкмячалі: "Цвіце чаромха - да халадоў, калі кветак многа - да мокрага лета. Салавей заспявае перад Маўрай - вясна закрасуе дружна. Ясны дзень – на добры ўраджай агуркоў".