Пра надвор'е

Заўтра магнітных бур на тэрыторыі нашай краіны не прагназуецца. Геамагнітны фон - слабаўзбураны.

28 красавіка ў народным календары пазначаны прысвятак пад назвай Пуд. У гэты дзень пчаляры аглядалі вуллі і прыкмячалі:  калі шмат пчол загінула пасля зімы, не будзе добрага ўраджаю грэчкі. А вось калі добра перазімавалі пчолкі, год будзе ўрадлівым.

Інфармацыя з гісторыі метэаназіранняў: самая халодная ноч была ў Бярэзінскім запаведніку ў 1978 годзе - крыху больш за 7 градусаў марозу; а самы цёплы дзень у 2012 - у Брэсце  тэрмометры паказалі 29,5 градуса цяпла.