Раённы сход упаўнаважаных па вылучэнні кандыдатур і выбранні членаў Маладзёжнага Парламента пры Магілёўскім абласным Савеце дэпутатаў прайшоў у зале пасяджэнняў райвыканкама.
Адкрыла сход старшыня раённага Савета дэпутатаў, старшыня раённага арганізацыйнага камітэта па падрыхтоўцы і правядзенні вылучэння кандыдатур і выбрання членаў Маладзёжнага Парламента Галіна Слабоднікава. Яна адзначыла, што ў адпаведнасці з Канстытуцыяй Рэспублікі Беларусь адзінай крыніцай дзяржаўнай улады і носьбітам суверэнітэту ў нашай краіне з’яўляецца народ. Грамадзяне рэспублікі маюць права ўдзельнічаць у вырашэнні дзяржаўных спраў, прымаць удзел у кіраванні грамадствам і дзяржавай, абмяркоўваць пытанні штодзённага жыцця на рэспубліканскіх і мясцовых сходах. Моладзь, у тым ліку, не выключэнне.
Выбары ў Маладзёжны Парламент рашэннем Магілёўскага абласнога Савета дэпутатаў былі назначаны на пачатак сакавіка. У адпаведнасці з рашэннем прэзідыума райсавета дэпутатаў, у нашым раёне ўтварылі адпаведны аргкамітэт. Напярярэдадні адбыліся сходы навучэнцаў Жыліцкага сельскагаспадарчага каледжа, членаў раённых маладзёжных грамадскіх арганізацый і аб’яднанняў, маладых работнікаў калектываў.
У рабоце раённага сходу прынялі ўдзел намеснік старшыні райвыканкама Таццяна Бяляўская, начальнік аддзела ідэалагічнай работы, культуры і па справах моладзі райвыканкама Ларыса Гаўрылава, начальнік аддзела арганізацыйнакадравай работы райвыканкама Вераніка Касьміна і старшыня раённага аб’яднання арганізацый прафсаюзаў, уваходзячых у Федэрацыю прафсаюзаў Беларусі Алена Глекава.
Пасля разгляду і абмеркавання кандыдатур большасцю галасоў пры адкрытым галасаванні членамі Маладзёжнага Парламента былі выбраны педагогпсіхолаг ясляўсадка №4 г.Кіраўска Валерыя Дзярук і дырэктар Жыліцкага гістарычнага комплексамузея Уладзіслаў Кулакевіч.
Віншуючы з гэтым высокім гонарам Галіна Слабоднікава выказала ўпэўненасць, што Валерыя Вітальеўна і Владзіслаў Аляксандравіч будуць дастойна прадстаўляць інтарэсы раёна ў абласным Савеце дэпутатаў.
Уладзіслаў Кулакевіч:
– Мне неабыякавае жыццё маладога пакалення.Галоўная задача для мяне ў Маладзёжным Парламенце – пабудова камунікацый паміж дзяржаўнымі структурамі і звычайнымі людзмі, наладжванне празрыстых, адкрытых форм узаемадзеяння заканадаўчых і выканаўчых структур з грамадзянамі, не спыняючыся пры гэтым толькі на моладзі.
У Кіраўскім раёне я жыву пяты год. З кожным днём сустракаю ўсё больш і больш людзей, якія жадаюць выказаць сваю грамадзянскую пазіцыю.
Спадзяюся, мой вопыт дапаможа ў рэалізацыі маладзёжных ініцыятыў і праектаў.
Валерыя Дзярук:
– Я ганаруся тым, што выбрана членам Маладзёжнага Парламента. Мая мэта – выяўляць актуальныя праблемы падлеткаў і моладзі, вызначаць шляхі іх вырашэння праз рэалізацыю ўласных ініцыятыў.
У кожнага з нас ёсць ідэі, задумы, творчыя планы. Кожны малады чалавек хоча і павінен быць пачутым. Побач з сабой я хачу бачыць актыўную, творчую, неабыякавую моладзь. Тых, хто не збіраецца сядзець склаўшы рукі, а сам гатовы прыкласці ўсе намаганні, каб зрабіць наша жыццё больш яркім і асэнсаваным.
Я спадзяюся, што мая актыўная жыццёвая пазіцыя, кампетэнтнасць і малады запал дапамогуць мне ў будучым.
Аляксандра КАЛІНІНА. Фота аўтара.