Паважаныя работнікі і ветэраны галіны гандлю!
Прыміце самыя шчырыя віншаванні з прафесійным святам — Днём работнікаў гандлю!
Сёння сфера гандлю раёна — выдатна адладжаны механізм, які дазваляе задавальняць самыя разнастайныя патрэбы насельніцтва ў таварах і паслугах. Гэта вынік велізарнай, прафесійнай працы кожнага з вас. Бо менавіта ад добразычлівасці, адказнага падыходу да справы работніка гандлю залежаць гатоўнасць чалавека здзяйсняць пакупкі, яго настрой і меркаванне аб узроўні абслугоўвання. Вы несяце на сваіх плячах вялізную адказнасць. Ваша прафесійная дзейнасць па-ранейшаму застаецца адной з самых запатрабаваных у грамадстве. Перад работнікамі гандлю стаяць вельмі важныя задачы, сярод якіх не толькі забеспячэнне карэлічан і гасцей раёна неабходнымі таварамі і паслугамі, але і пастаяннае павышэнне якасці абслугоўвання, стварэнне максімальна камфортных умоў для пакупнікоў, пошук новых форм гандлю. У ваша прафесійнае свята дазвольце падзякаваць вам за выдатную працу і пажадаць усім моцнага здароўя, шчасця, дабрабыту і поспехаў!
Раённы выканаўчы камітэт
Раённы Савет дэпутатаў
