❤ Урачыстасць Найсвяцейшага Цела і Крыві Хрыста напоўніла дажджлівы вечар у Карэлічах узнёслым і светлым настроем. Свята Божага Цела сабрала разам у касцёле Маці Божай Нястомнай Дапамогі маленькіх і дарослых парафіян з райцэнтра і навакольных вёсак. Праз надвор’е працэсія адбылася ў храме, але захавала сваю непаўторную атмасферу.
Падчас казання айцец Ануфрый Альховік зазначыў: «Мы з асаблівай падзякай і любоўю падыходзім да ўрачыстасці Найсвяцейшага Цела і Крыві Хрыста. Бо Эўхарыстыя — гэта сэрца нашага Касцёла, якое б’ецца ў табернакулуме, а таксама ў кожным з нас». І дадамо, што б’ецца яно ўдзень і ўначы, калі ззяе сонейка і калі лье дождж. А пачуць гэтае сэрца нават у самую цёмную гадзіну жыцця нам заўжды дапаможа вера.
Марына КАЗЛОВІЧ
Фота аўтара
❤ ФОТАГАЛЕРЭЯ СВЯТА
