Апошні званок у Мірскай школе зачараваў пяшчотным вальсам і цеплынёй урачыстасці (фота)

Напоўненае вясёлкай самых светлых пачуццяў свята Апошняга званка ў Мірскай сярэдняй школе падарыла дзецям, бацькам і настаўнікам незабыўныя імгненні. Пад пяшчотныя гукі вальса і радасныя пералівы званочкаў прысутныя развітваліся з яшчэ адным навучальным годам. А ён, дарэчы, традыцыйна выдаўся для Мірскай школы яскравым і паспяховым, падкрэсліла начальнік упраўлення адукацыі Карэліцкага райвыканкама Ірына Асташэвіч: «Жадаю вам і надалей дасягаць самых высокіх вяршыняў, а вам, нашы дарагія выпускнікі, абавязкова здзейсніць свае мары, каб апраўдалі надзеі бацькоў і ніколі не забывалі родную школу, сталі людзьмі з вялікай літары!»