У Смаргоні правялі кірмаш вакансій
Мерапрыемства адкрыла начальнік дзяржаўнай службы занятасці Тамара Рамановіч. Яна прадставіла запрошаных на кірмаш вакансій спецыялістаў кадравых службаў прадпрыемстваў, арганізацый і ўстаноў, расказала аб становішчы спраў на рынку працы, рабоце з беспрацоўнымі.
Потым выступілі прадстаўнікі суб’ектаў гаспадарання, назвалі вакантныя пасады, запрасілі беспрацоўных на работу. Тым, хто не мае адпаведнай прафесіі, было прапанавана навучанне. Прадпрыемствы, якія маюць інтэрнаты, гарантавалі забеспячэнне жыллём.
Трэба адзначыць, што на сённяшні кірмаш вакансій прыехалі спецыялісты кадравых службаў не толькі прамысловых і гандлёвых, але і сельскагаспадарчых прадпрыемстваў, медыцынскіх устноў нашага раёна.
Удзельнікам кірмашу вакансій былі паказаны тэматычныя відэаролікі.
Юрый ЯНУШКЕВІЧ.
Фота аўтара.