Вынікі сацыяльна-эканамічнага развіцця Карэліцкага раёна за мінулы год і ўпэўнены сёлетні старт даюць усе падставы гаварыць пра станоўчыя працэсы ў большасці сфер жыццядзейнасці нашага краю. На гэтым моманце акцэнтаваў увагу намеснік старшыні райвыканкама Ігар Раманавіч Лазарэвіч падчас сустрэчы з працоўным калектывам Карэліцкага вузла паштовай сувязі.
Традыцыйна Карэліччына дэманструе высокія паказчыкі ў сельскай гаспадарцы. Пэўныя поспехі адзначаны ў галінах аховы здароўя, гандлю, будаўніцтва і добраўпарадкавання. Жыхарам раёна аказваецца ўсебаковая дапамога ў садзейнічанні занятасці. Усё больш карэліччан схіляюцца да прадпрымальніцкай дзейнасці, многія знаходзяць шляхі ператварыць хобі ў крыніцу добрага заробку.
Актуальнымі застаюцца для раёна пытанні бяспекі жыцця, у тым ліку і пажарнай. У звароце да калектыва пошты начальнік Карэліцкага РАНС Дзяніс Аляксандравіч Стадольнік падкрэсліў важнасць асцярожнага абыходжання з агнём у вясновы перыяд, калі навокал столькі сухой расліннасці і дастаткова іскры, каб узняўся вялікі пажар. З больш падрабязнай інфармацыяй па тэме прысутныя змаглі пазнаёміцца з дапамогай буклетаў.
Марына КАЗЛОВІЧ
Фота аўтара