Смаргонскае і сталічнае аб’яднанні прафсаюзаў – за супрацоўніцтва

Госці з Мінска сустрэліся са сваімі смаргонскімі калегамі, старшынёй раённага аб’яднання прафсаюзаў Вікенціем Найдзічам і членамі прэзідыума гэтай грамадскай структуры, на тэрыторыі музея-сядзібы М. К. Агінскага. 

Работнікі гэтай установы правялі для гасцей экскурсію па пакоях, якія напоўнены атмасферай мінулага, дзе жыў і тварыў вядомы кампазітар і дзяржаўны дзеяч Міхал Клеафас Агінскі. 

Прафсаюзныя актывісты агледзелі аранжарэю, у якой нямала экзатычных раслін, пабывалі ва ўнутраным дворыку музея і накіраваліся ў залу, дзе старшыні Смаргонскага і Савецкага  (сталічнага) раённых аб’яднанняў прафсаюзаў падпісалі пратакол-пагадненне аб намерах супрацоўніцтва.

Юрый ЯНУШКЕВІЧ.

Фота аўтара.