Акцыя «Канікулы без дыму і агню»: Выхаванцы ясляў-сада №10 сусрэліся з прадстаўніком Смаргонскага РАНС

Надзея Сяргееўна падрыхтавала для дзяцей шмат цікавага. У вясёлых гульнях-эстафетах «Пажарныя машыны», «Збяры пазл», «Падбяры пару», «Пакліч пажарную службу» выхаванцы не толькі паказалі сваю шпаркасць, спрыт, але і замацавалі веды аб правілах бяспечных паводзін, паказалі свае ўменні правільна дзейнічаць у выпадку выяўлення пажару, успомнілі нумары службаў выратавання, паўтарылі алгарытм выкліку пажарнай службы. У канцы эстафет усіх удзельнікаў чакалі салодкія прызы.

А яшчэ ўсе жадаючыя змаглі прымерыць адзенне работнікаў МНС.

Вынік мерапрыемства - зарад бадзёрасці, станоўчыя эмоцыі і добры настрой, замацаванне правіл бяспечных паводзін.

За актыўны ўдзел у мерапрыемстве выхаванцы дашкольнай установы атрымалі буклеты, якія яны змогуць разгледзець дома разам з бацькамі і яшчэ раз паўтарыць правілы бяспекі.

Наталля МУРАШКА, намеснік загадчыка па асноўнай дзейнасці ясляў-сада №10.