Кушлянская талака сабрала аднавяскоўцаў

Спакушальныя пахі хатніх страў, вясёлая музыка і прыветлівыя ўсмешкі мясцовых жыхароў пры самым падыходзе да святочнай пляцоўкі натхняльна абяцалі шмат прыемных момантаў і уражанняў. Каб свята ўдалося пастараліся не толькі загадчыца клуба Алена Вішнеўская і яе памочнік Улад Ясевіч, які жыве ў Кушлянах і вучыцца ў Сольскай СШ. Цэлымі вуліцамі рыхтаваліся вяскоўцы да конкурсу на лепшыя стравы і на творчую абарону сваіх сталоў. Старшыня сельвыканкама Міхаіл Мірскі прыйшоў з падарункамі для дарослых, а старшыня прафкама мясцовай гаспадаркі Наталля Куніцкая з канцтаварамі для школьнікаў.

У канцэртнай праграме выступілі мясцовыя артысты, паэты, музыканты  і госці з райцэнтра і суседніх сельсаветаў.

Ала КЛЕМЯНОК.

Фота аўтара.