Любоў не на словах

Ёсць сярод нашых землякоў тыя, хто з малаком маці ўвабраў любоў да роднага краю, да вёскі, дзе вырасла не адно пакаленне гаспадарлівых, руплівых, таленавітых, працавітых жыхароў.
Толькі так можна сказаць пра людзей, якія штогод упрыгожваюць не толькі свае домаўладанні, але і тэрыторыю каля іх. І цікава тое, што гаспадары без усякіх напамінаў на працягу года клапоцяцца пра тое, каб малыя архітэктурныя формы захоўвалі яскравы прывабны выгляд. Да таго ж, штогод яны ўносяць нейкія карэкціроўкі. Напрыклад, у Бывальках мы не змаглі праехаць міма мастка з вясёлым вуснем, клумбы-чаравіка, а ў аграгарадку Уборак у дадатак да пальмаў і размаляванага плыта на доме Валянціны Бернацкай з’явілася незвычайнае сонейка. Акрамя гэтага гаспадыні вырошчваюць шмат самых розных прыгожых кветак. Домаўладанне Мікалая Коваля таму прыклад.
Сапраўды грэе душу вось такая неабыякавасць вяскоўцаў.

Людміла Краўцова, “ЛК”.
Фота аўтара  і Наталлі Апанасенка, “ЛК”.