Толькі з уключаным святлом фар!

З 25 мая да 5 чэрвеня ў Беларусі, і ў Івацэвіцкім раёне адпаведна, будзе праходзіць арганізаванае МУС Рэспублікі Беларусь спецыяльнае комплекснае мерапрыемства “Увага: дзеці!”.

У гэтыя дні супрацоўнікі АДАІ Івацэвіцкага РАУС асаблівую ўвагу накіруюць на забеспячэнне бяспекі паблізу вучэбных устаноў, будуць ажыццяўляць кантроль за дзеяннямі вадзіцеляў, дзяцей, будзе право-
дзіцца і прафілактычная работа, каб папярэдзіць дзіцячы дарожна-транспартны траўматызм.

Звяртаю асаблівую ўвагу: у перыяд з 25 мая да 5 чэрвеня ва-
дзіцель механічных транспартных сродкаў абавязаны рухацца з уключаным бліжнім святлом фар або хадавых агнёў. Гэта неабходна, каб прыцягнуць увагу маленькага пешахода да транспартнага сродку, што рухаецца.

Васіль ЖУР, начальнік АДАІ Івацэвіцкага РАУС.