Віцебскі прадпрымальнік Анар Іваноў скончыў галадоўку

Анар Іваноў меў прэтэнзіі да ЖРЭУ Першамайскага раён, у якога арандуе памяшканне плошчай 18,6 квадратных мэтраў. Паводле ягоных словаў, у квітанцыях на аплату не пазначалася, што гэта грошы за арэнду. І ён не быў упэўнены, што з яго не спагоняць плату яшчэ раз. Падчас галадоўкі яго наведалі прадстаўнікі ЖРЭУ, якія перарабілі ўзор квітанцыяў. І ў абед 19 студзеня ён скончыў галадоўку.

Пытанне наконт атрымання ва ўласнасць памяшкання, дзе раней размяшчалася крама парфюмерыі і касметыкі «Ліза», засталося невырашаным. Анар Іваноў хоча абсталяваць там цырульню. Звярнуўся ў адміністрацыю Першамайскага раёна — каб удакладніць, якія магчымасці мае па законе. Ранейшыя звароты ў гарвыканкам наконт гэтага не прынеслі плёну.

Анар Іваноў правёў апошнія некалькі сутак, праводзячы галадоўку на працоўным месцы. Над уваходам у краму «Ліза» 19 студзеня вісеў плакат са словам «Галадоўка». Але ўнутры было пуста: 45-гадовы прадпрымальнік знаходзіўся дома.