Жыхары Рэчыцы змагаюцца за права дыхаць чыстым паветрам

Больш за два гады жыхары раёну вакол былога цаглянага заводу ў горадзе Рэчыца Гомельскай вобласці змагаюцца за права дыхаць чыстым паветрам. Яны сцвярджаюць, што паміж іхнымі дамамі ды шкоднай вытворчасцю няма нават 30-ці метраў.

Смурод, не небяспечны для жыцця, - цалкам дапушчальная рэч. Гэта вынікае са словаў і дзеянняў мясцовых уладаў гораду Рэчыцы. Побач з жылымі дамамі ў будынку былой фабрыкі керамічных вырабаў цяпер вырабляюць паліўныя брыкеты з адкідаў гідролізнага заводу, і працуе прыватнае прадпрыемства "Рэчыца пласт".