"Мова TUT" пра мужчынскія "штучкі": зброя, забавы, аўто. - Ужо ў сераду

Тэма наступнай сустрэчы моўнага клуба "Мова TUT" - на замову ўдзельнікаў клуба - мужчынскія "штучкі". Мужчынская вопратка, адпачынак і забавы, зброя, машыны, - як пра ўсё гэта гаварыць па-беларуску дазнаецеся 25 лютага на сустрэчы клуба.

Актыўнымі партнёрамі клуба стала каманда праекта Шукай.BY, якая ў займальнай, гульнёвай форме бярэцца за навучанне беларускай. Заўсёднага партнёра клуба - Беларускі дзяржаўны ўніверсітэт - на гэтай сустрэчы прадставіць кіраўнік рыцарскага клуба гістарычнага факультэта БДУ.

Мастацкую частку сустрэчы забяспечыць мастак, даследчык-энтузіяст, які спецыялізуецца на зброі войску Вялікага Княства Літоўскага.

У клуба "Мова TUT" з'явіўся сталы партнёр, спецыялісты якога будуць апекавацца дзеткамі. Гэта Міжнародны адукацыйны клуб Global Child. Супраца з "Мовай TUT" - адзін з крокаў у межах святкавання 5-годдзя кампаніі.

Запрашаем далучыцца. 25 лютага, 19.00, Галерэя TUT.BY, праспект Дзяржынскага, 57, станцыя метро Міхалова, БЦ "Амега Таўэр", 9 паверх. Уваход вольны!

Усе пытанні, што да працы клуба, дасылайце на mova@tutby.com.

Парнёры праекта "Мова TUT":

Беларускі дзяржаўны ўніверсітэт	Шукай.BY

Міжнародны адукацыйны клуб Global Child