Другі «Дзень вышыванкі» сабраў каля пяці тысяч наведвальнікаў (фотарэпартаж)

У мінскім Палацы мастацтва ў суботу, 13 снежня, прайшла другая выстава традыцыйных і сучасных вышыванак (народнай кашулі з вышытым арнаментам), адзення і сувеніраў ад папулярных моладзевых брэндаў. За восем гадзін працы наведвальнікі маглі паўдзельнічаць у шматлікіх конкурсах, пабываць на лекцыі і майстар-класах, прысвечаных народнаму адзенню, пабачыць выступленні танцавальных этна-калектываў ці паслухаць канцэрт вядомых беларускіх музычных гуртоў. І, канешне ж, набыць народную і вопратку, аксесуары, сувеніры альбо зрабіць бія-тату. Арганізатарам мерапрыемства выступілі грамадскае агенцтва «Арт сядзіба» і Беларускі саюз мастакоў. Глядзім фотарэпартаж 21.by з месца падзеі. 

Аўтар: Павел Аксіновіч; фота аўтара.