"7 пакояў" і "Тайм-аўт". Чым завабліваюць кліентаў віцебскія антыкавярні?

Ка­рэс­пан­дэнт "Звяз­ды" па­бы­ваў ва ўсіх ві­цеб­скіх ан­ты­ка­вяр­нях.

Фота: Аляксандр Пукшанскі

"7 пакояў"

"7 па­ко­яў" зна­хо­дзіц­ца на ву­лі­цы Ле­ні­на не­да­лё­ка ад Сма­лен­ска­га рын­ку. Знайшоў уста­но­ву не ад­ра­зу, бо зна­хо­дзіц­ца яна на трэ­цім па­вер­се бу­дын­ка. І на ву­лі­цы не бы­ло ні­я­кай рэ­клам­най пад­каз­кі, каб хут­чэй ад­шу­каць па­трэб­нае мес­ца. Гэ­тая ка­вяр­ня бы­ла "пер­шай лас­таў­кай" у Ві­цеб­ску ў ад­па­вед­ным бізнэсе.

У дзень, ка­лі мы прый­шлі, пра­сі­лі за­пла­ціць уся­го 12 ты­сяч за ча­ла­ве­ка - за зна­хо­джан­не ў ка­вяр­ні на пра­ця­гу га­дзі­ны. Для да­школь­ні­каў ува­ход бясплатны. За гэ­тыя гро­шы мож­на вы­піць не­аб­ме­жа­ва­ную коль­касць ка­вы, гарба­ты, па­ес­ці пе­чы­ва не­каль­кіх ві­даў. Тут са­ма­аб­слу­гоў­ван­не.

Ці­ка­ва, што не за­ба­ра­ня­ец­ца пры­но­сіць ежу і на­поі з са­бой. На ал­ка­голь жа - та­бу, ка­лі зна­хо­дзіш­ся ў агуль­най за­ле. Але ў так зва­ных VІP-па­ко­ях вы­піць "моц­на­га", аказ­ва­ец­ца, мож­на. Як нам рас­тлу­ма­чы­лі, та­кія па­коі за­чы­ня­юц­ца знут­ры, і су­пра­цоў­ні­кі не ма­юць пра­ва тур­ба­ваць клі­ен­таў. Праў­да, пла­та за гадзі­ну та­ко­га за­да­валь­нен­ня ў ра­зы боль­шая. У VІP-па­коі кам­па­ні­я­мі гля­дзяць фут­бол, неш­та свят­ку­юць. Пры гэ­тым умо­ва: трэ­ба вес­ці ся­бе пры­стой­на!

За сабой трэ­ба вы­мыць по­суд. Умы­валь­нік у агуль­ным па­коі. У антыка­вяр­ні мож­на па­чы­таць, ска­рыс­тац­ца на­столь­ны­мі гуль­ня­мі, па­гля­дзець тэ­ле­візар, пагу­ляць у "пры­стаў­ку"… Ёсць і бяс­плат­ны до­ступ да ін­тэр­нэ­ту.

Хо­чаш па­спаць - ка­лі лас­ка. Хо­чаш прэ­зен­та­ваць сяб­рам, на­прык­лад, свае песні - за­пра­шай! У ка­вяр­ні пра­вод­зяць і нач­ныя па­ка­зы філь­маў, і кан­цэр­ты моладзевых гуртоў.

Акра­мя мя­не з сы­на­мі, у ан­ты­ка­вяр­ні ні­ко­га не бы­ло, таму мы тут ад­чу­ва­лі ся­бе як до­ма.

"Тайм-аўт"

"Тайм-аўт" зна­хо­дзіц­ца не­да­лё­ка ад ві­цеб­скай ра­ту­шы, на пе­ша­ход­най ву­лі­цы Талс­то­га. Уста­но­ва ад­кры­ла­ся ле­там.

У ад­роз­нен­не ад кан­ку­рэн­та, тут уся­го тры па­коі, у тым лі­ку адзін VІP. Пла­та за га­дзі­ну - 30 ты­сяч руб­лёў, да­лей - 300 руб­лёў за хві­лі­ну. А за га­дзі­ну ў VІP-па­коі - 100 ты­сяч руб­лёў.

Тут таксама пра­па­ну­юць ка­ву, пе­чы­ва і гар­ба­ту. І вы­бар на­столь­ных гуль­няў бага­ты. Адзі­ная ня­зруч­насць: мыць по­суд трэ­ба ў пры­бі­раль­ні. Праў­да, супрацоў­нік ска­заў, што хо­чуць уста­ля­ваць ра­ка­ві­ну ў за­ле. Здзі­ві­ла і тое, што ня­ма ве­шал­кі для адзен­ня…

Мож­на па­гля­дзець і транс­ля­цыі мат­чаў. Кошт пра­гля­ду ўсёй транс­ля­цыі - 50 тысяч з ча­ла­ве­ка. Кам­па­ні­ям больш за 10 ча­ла­век пра­ду­гле­джа­ны зніж­кі. Таксама ар­га­ні­зу­юць нач­ныя па­ка­зы філь­маў.

Каб пры­ва­біць больш клі­ен­таў, пры­дум­ва­юць роз­ныя ак­цыі, "фіш­кі". Напрыклад: "Роў­на 315 га­доў та­му ў гэ­ты дзень Пётр І, каб пры­віць сва­ім падда­ным мо­ду, пры­ня­тую ў ін­шых еў­ра­пей­скіх кра­і­нах, уста­ля­ваў па­да­так на ба­ро­ды. Мы ўво­дзім "па­да­так" на­ад­ва­рот! Увесь на­ступ­ны ты­дзень для барадатых лю­дзей зніж­ка 15%!".

Пра­вод­зяц­ца ак­цыі: пла­ці за га­дзі­ну і "ся­дзі" ў ка­вяр­ні хоць увесь дзень.

Што здзі­ві­ла, тут пра­цуе ва­лан­цёр. Ма­ла­ды і вель­мі вет­лі­вы. Яму да­зва­ля­ец­ца бяс­плат­на ка­рыс­тац­ца ін­тэр­нэ­там, піць ка­ву. Ёсць і ін­шыя "бо­ну­сы".

Ма­ім дзе­цям вель­мі спа­да­ба­ла­ся гу­ляць у на­столь­ны фут­бол. А вось электронны ха­кей не пра­ца­ваў. Шка­да, бо за не­каль­кі хві­лін гуль­ні на та­кім жа "агрэ­га­це" ў ві­цеб­скім пар­ку Пе­ра­можцаў про­сяць пры­клад­на столь­кі ж, коль­кі у ка­вяр­ні за га­дзі­ну зна­хо­джан­ня. Ад­ра­ман­та­ва­лі б хут­чэй!

"Х.СОМ"

Уста­но­ву "X.COM", якая зна­хо­дзіц­ца амаль што на­су­праць "Тайм-аўта", цяж­ка на­зваць кла­січ­най ан­ты­ка­вяр­няй. Па-пер­шае, тут ёсць бар, дзе пра­да­юць пі­ва. Па-дру­гое, за ка­ву і ін­шае да­вя­дзец­ца за­пла­ціць. У ка­вяр­ні ўся­го тры па­коі - "агуль­ная за­ла", "бар­ная" і VІP. Як рас­ка­за­ла гас­па­ды­ня ўста­но­вы, аў­тар ідэі ад­крыць у Ві­цеб­ску та­кую ка­вяр­ню - яе сын, ён ву­чыц­ца ў Чэ­хіі. У кра­і­нах Еўраса­ю­за вель­мі па­пу­ляр­ныя ан­ты­ка­вяр­ні.

У "X.COM" ар­га­ні­зу­юць роз­ныя ве­ча­ры­ны і ме­ра­пры­ем­ствы для дзя­цей. Работні­кі ска­за­лі, што мож­на на па­ру га­дзін па­кі­нуць дзі­ця ў VІP-за­ле. Гарантуюць, што за ім бу­дуць са­чыць…

Ці пры­быт­ко­вы біз­нэс?

Па­вод­ле слоў работнікаў, усе ўста­но­вы па­куль што пры­бы­так не пры­но­сяць. Бізнэс у Ві­цеб­ску но­вы. Шчы­ра ка­жу­чы, ня­гле­дзя­чы на рэ­клам­ныя кам­па­ніі, мно­гія га­ра­джа­не на­огул не ве­да­юць пра та­кія ка­вяр­ні.

Мне рас­ка­за­лі, што "ін­ды­ві­ду­аль­ныя на­вед­валь­ні­кі" (та­кія, як я з дзець­мі), канеш­не, не асноў­ныя, на кім мож­на за­ра­біць. Стаў­ка на сту­дэн­таў, арганізатараў, удзель­ні­каў ме­ра­пры­ем­стваў: гуль­няў у "Ма­фію", май­стар-класаў, прэ­зен­та­цый. Пра­вод­зяць і ве­ча­ры зна­ём­стваў, тэ­ма­тыч­ныя ве­ча­рын­кі.

Ан­ты­ка­вяр­ні ёсць і ў ін­шых аб­лас­ных цэнт­рах. На­прык­лад, са­мая вя­до­мая бела­рус­кая ан­ты­ка­вяр­ня - мін­ская "Дом Фі­шэ­ра". Зна­хо­дзіц­ца ў ра­ё­не пар­ка Ча­люс­кін­цаў. У Го­ме­лі, ка­лі мер­ка­ваць па ка­мен­та­ры­ях у ін­тэр­нэ­це, мно­гім пада­баецца ан­ты­ка­вяр­ня "Бер­га­мот" (не­да­лё­ка ад атэ­ля "Ту­рыст"). У Брэс­це - ан­ты­ка­вяр­ня "Чай­ны да­мок", якая зна­хо­дзіц­ца ў шах­мат­на-ша­шач­ным клу­бе ў пар­ку куль­ту­ры і ад­па­чын­ку. Са­праўд­ная ці­ка­він­ка тут - дэ­гус­та­цыя эліт­най гар­ба­ты…

Ан­ты­ка­вяр­ні вы­гад­на ад­роз­ні­ва­юц­ца ад звы­чай­ных тым, што там мож­на сядзець га­дзі­на­мі і ні­хто та­бе не зро­біць за­ўва­гу. Зруч­на гэ­та і ін­ша­га­род­нім, калі гу­ляць па чу­жым го­ра­дзе на­да­ку­чы­ла. Што да пер­са­на­лу - ён ­вет­лівы. Адчу­ван­не, што ў гос­ці прый­шоў: і вы­слу­ха­юць, і неш­та рас­ка­жуць, і дзят­ву дапа­мо­гуць па­за­ба­віць…

Ан­ты­ка­вяр­ня - уста­но­ва, дзе, у ад­роз­нен­не ад кла­січ­най ка­вяр­ні, наведваль­ні­кі пла­цяць за пра­ве­дзе­ны час. У кошт ува­хо­дзяць бясплатныя па­час­тун­кі, за­ба­вы і ме­ра­пры­ем­ствы. Як пра­ві­ла, антыкавярня ўяў­ляе са­бой не­каль­кі па­ко­яў з утуль­ным хат­нім ін­тэр'ерам, дзе гос­ці сва­бод­на пе­ра­мя­шча­юц­ца, са­мі ро­бяць са­бе гар­ба­ту ці ка­ву, гля­дзяць філь­мы, прак­ты­ку­юць ёгу, на­ву­ча­юц­ца ра­мёст­вам і гэ­так да­лей. Аў­та­р кан­цэп­цыі ўста­ноў са што­хві­лін­най апла­тай - ра­сій­скі прадпрымаль­нік Іван Мі­цін. Ан­ты­ка­вяр­ні ак­тыў­на вы­на­хо­дзяць но­выя заба­вы, каб клі­ен­там бы­ло мак­сі­маль­на ці­ка­ва.