Беларусізацыя: Фабрыка зорак. "Мова ці кава" правядзе кастынг

Грамадская ініцыятыва "Мова ці кава" правядзе кастынг для новых вядоўцаў курсаў. Сумоўе адбудзецца 1 кастрычніка а 19-й гадзіне ў галерэі TUT.BY. 

"Ведаеш мову, любіш публіку, хочаш зрабіць унёсак у беларусізацыю - табе сюды", - запрашаюць арганізатары курсаў. 

Удзельнікам прапануюць расказаць пра сябе, падзяліцца ідэямі для курсаў, пазнаёміцца з камандай і пачаставацца кавай. 

На самапрэзентацыю адводзіцца 5 хвілін. 

Папярэдне трэба напісаць пра сябе, пакінуць кантакты і спасылкі на акаунты ў сацыяльных сетках. Ліст даслаць на адрас movacikava@gmail.com.