Каб Марозу было ўтульна

Мінчанам прапанавалі прыдумаць, як павінен выглядаць дом сталічнага Дзеда Мароза ў парку Горкага. «На нашым сайце www.parki.by мы змясцілі здымак таго, як выглядае рэзідэнцыя зараз, і свой варыянт яе абнаўлення, але цікава было б даведацца, якія ідэі ёсць у гараджан», — кажа Лідзія Вежнавец, начальнік аддзела культурна-масавай работы прадпрыемства «Гарадскія паркі Мінзелянбуда».

Свае прапановы людзі могуць да верасня адпраўляць у выглядзе пісьмаў або малюнкаў на электронныя адрасы арганізацыі: gp.mzs@tut.by, admin@parki.by.