Пяць універсітэтаў краіны запоўнілі ўсе бюджэтныя месцы

План по наборы на бясплатныя месцы дзённай формы навучання выканалі пяць вышэйшых навучальных устаноў краіны. Усяго па ВНУ, падначаленым Мінадукацыі, запоўнена больш за 96% месцаў, паведамляе прэс-служба міністэрства. Адзначаецца, што сёлета значна павысіўся рэйтынг педагагічных спецыяльнасцяў, аднак дакладныя лічбы не называюцца.

100% бюджэтных месцаў дзённага аддзялення закрылі*:

• Мінскі дзяржаўны лінгвістычны ўніверсітэт (план быў 565 чалавек),
• Беларускі дзяржаўны ўніверсітэт інфарматыкі і радыёэлектронікі (1280),
• Беларускі дзяржаўны эканамічны ўніверсітэт (1320),
• Гродзенскі дзяржуніверсітэт імя Я.Купалы (1100),
• Мінскі дзяржаўны вышэйшы радыётэхнічны каледж (план набору на ступень вышэйшай адукацыі - 85 чалавек).

Усяго некалькі працэнтаў месцаў засталіся незапоўненымі ў наступных ВНУ:

• Беларускі нацыянальны тэхнічны ўніверсітэт,
• Беларускі дзяржаўны ўніверсітэт,
• Брэсцкі дзяржаўны тэхнічны ўніверсітэт,
• Міжнародны дзяржаўны экалагічны ўніверсітэт імя А.Д. Сахарава,
• Беларускі дзяржаўны тэхналагічны ўніверсітэт,
• Палескі дзяржаўны ўніверсітэт.

У гэтым годзе разам з IT-, эканамічнымі, лінгвістычнымі, будаўнічымі, энергетычнымі, медыцынскімі спецыяльнасцямі, як у мінулым годзе, абітурыенты актыўна падавалі заявы на тэхналагічныя і тэхнічныя спецыяльнасці, адзначаюць у міністэрстве.

Нагадаем, 12 ліпеня большасць ВНУ скончылi прыём дакументаў для ўдзелу ў конкурсе на атрыманне вышэйшай адукацыі на бюджэтнай форме і цяпер праводзяць кампанію па залічэнні будучых першакурснікаў. Набор на платнае аддзяленне працягваецца, наперадзе яшчэ - унутраныя ўступныя выпрабаванні ў ВНУ.

Наконт дадатковага набору абітурыентаў на вакантныя бюджэтныя месцы стане вядома да 23 ліпеня, пішуць на сайце міністэрства.

*Дадзеныя прадстаўленыя не па ўсіх вышэйшых навучальных установах Беларусі.