У глыбоцкім вішнёвым садзе сёлета чакаецца першы ўраджай

У вішнёвым садзе ў Глыбокім, які пасадзілі летась, сёлета могуць збіраць першы ўраджай.



Пачуўшы, што ў вішнёвым садзе амаль палова дрэў не прыжылася (а высаджана іх было 1414 - гэта год, пад якім Глыбокае ўпершыню ўзгадваецца ў летапісах), карэспандэнт накіраваўся туды, каб на свае вочы гэта пабачыць. Чуткі аказаліся значна перабольшанымі: дрэўцаў, што не прыжыліся, няшмат.



Вельмі шмат саджанцаў заквітнелі. Улічваючы, што квітненне пачалося пасля замаразкаў, можна чакаць першы ўраджай у садзе.