Гасцінец пад ёлкай
13.12.2013
—
Новости Общества
Самастойна сабраны салодкі навагодні падарунак будзе больш танны, але, хутчэй за ўсё, не такі прыгожы
Невялічкі куфэрак з ласунками да Новага года — ужо звычайная для кожнага дзіцяці і дарослага справа. Знаёмы яшчэ з дзiцячых ранішнікаў, ён і сёння застаецца не толькі добрым дадаткам да падарунка, але і сам нярэдка служыць ім. Карэспандэнт «Р» вырашыў даведацца, ці не танней сабраць цукеркі самому замест пакупкі гатовага падарунка.
У беларускіх крамах і гіпермаркетах напярэдадні Каляд і Новага года шукаць салодкія гасцінцы нават не трэба. Часам здаецца, што большая частка вольнай плошчы гандлёвых аб’ектаў занята менавіта імі. Тым лепш для спажыўца: добра, калі ёсць з чаго выбраць і з чым параўнаць.
Можна сказаць, што сёлета кандытарскія фабрыкі Беларусі добра пастараліся: яны прапануюць пакупнікам больш за 40 варыянтаў салодкіх падарункаў. Фармат — не толькі звычайная скрыначка з кардону, але таксама металічныя куфэркі, мяккія цацкі і нават кнігі з малюнкамі ў фармаце 3D.
Зацятыя ласухі, вядома, аддадуць перавагу 2,5-кілаграмовым падарункам, ну а самым малым, бадай, добра пасуюць 400-грамовыя скрынкі.
Адрозніваюцца разнастайнасцю і самі наборы цукерак. Незалежна ад вагі святочнага гас-цінца вытворца стара¬ецца забяспечыць пакупнікоў належным асартыментам. У кожным куфэрку спажывец знойдзе і шакаладныя цукеркі, і шакаладныя пліткі, і ледзянцы, і батончыкі з вафлямі, і шмат што іншае.
Але не на карысць вытворцам ідзе тэндэнцыя, якая добра назіраецца ў перыяд падрыхтоўкі да ранішнікаў у дзіцячых садках і школах. Нярэдка эканомныя бацькі аддаюць перавагу самастойнаму фарміраванню навагодніх падарункаў. Тым больш што ўсё неабходнае можна набыць на вагу ў фірменных крамах тых самых кандытарскіх фабрык. Кажуць, нібыта так атрымліваецца танней.
Каб праверыць гэтае сцвярджэнне, былі абраны два падарункі вытворчасці адной з беларускіх кандытарскіх фабрык вагой 1 і 2 кіла¬грамы. Трэба аддаць належнае вытворцу: усе пералічаныя ў складзе цукеркі, шакаладкі і астатанія ласункі сапраўды можна без праблем набыць у фірменнай краме на вагу. Але фабрыка ніякім чынам не перашкаджае спажыўцам набыць менавіта гатовыя падарункі.
Зрэшты, разлік кошту ласункаў, прадстаўленых у кожным падарунку, паказаў: аналагічны набор цукерак, шакаладак і вафляў можна набыць на вагу ў два разы танней. Кошт 2-кілаграмовага падарунка складае каля 240 тысяч, а 1-кілаграмовага — 130 тысяч рублёў. Сабраны ж самастойна падарунак аблегчыць кашалёк пакупніка только на 120 і 60 тысяч рублёў адпаведна.
Перавага створаных уласнымі рукамі салодкіх падарункаў яшчэ і ў тым, што спажывец не абмежаваны ў выбары: камусьці больш падабаюцца шакаладныя цукеркі, камусьці — ле-дзянцы, а нехта ўвогуле не хоча частавацца вафлямі ці горкім шакаладам.
Што праўда, разам з набыццём цукерак на вагу страчваецца магчымасць набыць прыгожую скрыначку. Як відаць з разлікаў, упакоўка ў кошце падарунка займае не апошняе месца. Асабліва, калі гаворка ідзе не пра кардон, а пра металічную скрынку, а таксама пашытую на спецыяльным прадпрыемстве мяккую цацку ці малюнак у фармаце 3D. Безумоўна, бацькі пры наяўнасці творчых здольнасцей могуць самастойна і скрынку зрабіць, і цацку пашыць. Але і ў гэтым выпадку зэканоміць наўрад ці можна: патрабуюцца дадатковыя выдаткі на матэрыял і значны час, які напярэдадні свят так хочацца дарыць блізкім, асабліва дзецям.
Можа, самастойна сабраны салодкі падарунак і больш танны, але куды больш каштоўныя тыя хвіліны, якія дазваляе падарыць родным пакупка гатовых гасцінцаў. Бо хто адкажа, якіх грошай каштуе час сярод любімых. Ці не так?
Арцём КІР’ЯНАЎ, «Р»
Невялічкі куфэрак з ласунками да Новага года — ужо звычайная для кожнага дзіцяці і дарослага справа. Знаёмы яшчэ з дзiцячых ранішнікаў, ён і сёння застаецца не толькі добрым дадаткам да падарунка, але і сам нярэдка служыць ім. Карэспандэнт «Р» вырашыў даведацца, ці не танней сабраць цукеркі самому замест пакупкі гатовага падарунка.
У беларускіх крамах і гіпермаркетах напярэдадні Каляд і Новага года шукаць салодкія гасцінцы нават не трэба. Часам здаецца, што большая частка вольнай плошчы гандлёвых аб’ектаў занята менавіта імі. Тым лепш для спажыўца: добра, калі ёсць з чаго выбраць і з чым параўнаць.
Можна сказаць, што сёлета кандытарскія фабрыкі Беларусі добра пастараліся: яны прапануюць пакупнікам больш за 40 варыянтаў салодкіх падарункаў. Фармат — не толькі звычайная скрыначка з кардону, але таксама металічныя куфэркі, мяккія цацкі і нават кнігі з малюнкамі ў фармаце 3D.
Зацятыя ласухі, вядома, аддадуць перавагу 2,5-кілаграмовым падарункам, ну а самым малым, бадай, добра пасуюць 400-грамовыя скрынкі.
Адрозніваюцца разнастайнасцю і самі наборы цукерак. Незалежна ад вагі святочнага гас-цінца вытворца стара¬ецца забяспечыць пакупнікоў належным асартыментам. У кожным куфэрку спажывец знойдзе і шакаладныя цукеркі, і шакаладныя пліткі, і ледзянцы, і батончыкі з вафлямі, і шмат што іншае.
Але не на карысць вытворцам ідзе тэндэнцыя, якая добра назіраецца ў перыяд падрыхтоўкі да ранішнікаў у дзіцячых садках і школах. Нярэдка эканомныя бацькі аддаюць перавагу самастойнаму фарміраванню навагодніх падарункаў. Тым больш што ўсё неабходнае можна набыць на вагу ў фірменных крамах тых самых кандытарскіх фабрык. Кажуць, нібыта так атрымліваецца танней.
Каб праверыць гэтае сцвярджэнне, былі абраны два падарункі вытворчасці адной з беларускіх кандытарскіх фабрык вагой 1 і 2 кіла¬грамы. Трэба аддаць належнае вытворцу: усе пералічаныя ў складзе цукеркі, шакаладкі і астатанія ласункі сапраўды можна без праблем набыць у фірменнай краме на вагу. Але фабрыка ніякім чынам не перашкаджае спажыўцам набыць менавіта гатовыя падарункі.
Зрэшты, разлік кошту ласункаў, прадстаўленых у кожным падарунку, паказаў: аналагічны набор цукерак, шакаладак і вафляў можна набыць на вагу ў два разы танней. Кошт 2-кілаграмовага падарунка складае каля 240 тысяч, а 1-кілаграмовага — 130 тысяч рублёў. Сабраны ж самастойна падарунак аблегчыць кашалёк пакупніка только на 120 і 60 тысяч рублёў адпаведна.
Перавага створаных уласнымі рукамі салодкіх падарункаў яшчэ і ў тым, што спажывец не абмежаваны ў выбары: камусьці больш падабаюцца шакаладныя цукеркі, камусьці — ле-дзянцы, а нехта ўвогуле не хоча частавацца вафлямі ці горкім шакаладам.
Што праўда, разам з набыццём цукерак на вагу страчваецца магчымасць набыць прыгожую скрыначку. Як відаць з разлікаў, упакоўка ў кошце падарунка займае не апошняе месца. Асабліва, калі гаворка ідзе не пра кардон, а пра металічную скрынку, а таксама пашытую на спецыяльным прадпрыемстве мяккую цацку ці малюнак у фармаце 3D. Безумоўна, бацькі пры наяўнасці творчых здольнасцей могуць самастойна і скрынку зрабіць, і цацку пашыць. Але і ў гэтым выпадку зэканоміць наўрад ці можна: патрабуюцца дадатковыя выдаткі на матэрыял і значны час, які напярэдадні свят так хочацца дарыць блізкім, асабліва дзецям.
Можа, самастойна сабраны салодкі падарунак і больш танны, але куды больш каштоўныя тыя хвіліны, якія дазваляе падарыць родным пакупка гатовых гасцінцаў. Бо хто адкажа, якіх грошай каштуе час сярод любімых. Ці не так?
Арцём КІР’ЯНАЎ, «Р»