Казка барока: як Віцебск страціў адзін са сваіх самых значных архітэктурных помнікаў

Зрэшты, аб захаванасці царквы сведчаць і фотаздымкі. Але пройдуць яшчэ чатыры дзесяцігоддзі, перш чым у Віцебску пойдзе гаворка аб нейкіх рэстаўрацыйных работах. А тады, у канцы 1940‑х, у 1950‑я гады, велічныя і прыгожыя храмы на гарадскіх вуліцах і плошчах падаваліся некаму абсалютна недарэчнымі. Петрапаўлаўская царква была наўмысна знішчана. Так Віцебск страціў адзін са сваіх самых значных архітэктурных помнікаў.

А вось царкву Раства Багародзіцы зусім разбураць не сталі. У 1947-1952 гадах яе перабудавалі пад жылы дом, збіўшы дэкор і ампутаваўшы тую частку помніка, дзе знаходзілася апсіда. Сёння будынак ужо нічым не нагадвае праваслаўны храм.

У нас вельмі доўга, вобразна кажучы, было "выключана святло". Яно і цяпер не гарыць напоўніцу. Але ўсведамленне жахлівых страт прыходзіць да нас сёння разам са скупой інфармацыяй і адзінкавымі фотаздымкамі, усё ж паказваючы шлях да здабыцця Храма.

Віктар Барысенкаў, віцебскі краязнаўца

Артыкул апублікаваны ў серыі праекта "Віцебск: папулярнае мінулае"