Алеся Бяляцкага на паўгода пазбавілі прадуктовых перадач

16 траўня жонка палітвязьня Алеся Бяляцкага Натальля Пінчук наведала бабруйскую калёнію, дзе трымаюць яе мужа, паведамляе “Радыё Свабода”.

Натальля Пінчук мела намер перадала Алесю Бяляцкаму рэчавую перадачу і даведалася, што ў сакавіку да жніўня мужа пазбавілі права на харчовыя перадачы.

«За якое парушэньне яго пакаралі, мне невядома, ды я і не цікавілася. Гэта рытарычнае пытаньне — за што? Прычыну знойдуць», — адзначыла Натальля Пінчук.

Натальля Пінчук перадала мужу ў калёнію спартовы строй, пасьцельную бялізну ды іншыя рэчы. Гэта была адзіная дазволеная вязьню ў год рэчавая перадача.