Валанцёры з Ірландыі адрамантавалі майстэрню, дзве гульнявыя і кабінет у Вілейскай школе-інтэрнаце

Ірландскія валанцёры пад кіраўніцтвам Браяна Келі з 28 красавіка па 4 мая дапамагалі Вілейскай спецыяльнай агульнаадукацыйнай школе-інтэрнату для дзяцей з цяжкімі парушэннямі мовы.

– Яны адрамантавалі майстэрню для хлопчыкаў, дзве гульнявыя, кабінет псіхолага, падвал, – паведаміла намеснік дырэктара па вучэбнай рабоце Марыя Дзяруга. – Іх праца спрыяе паляпшэнню ўмоў жыцця дзяцей.

Дапамагалі валанцёрам педагогі, пасільную дапамогу аказвалі і дзеці. Ірландцы працавалі з 9 да 18 гадзін. А потым праходзілі сустрэчы з дзецьмі, спартыўныя мерапрыемствы. Навучэнцы школы-інтэрната падрыхтавалі для гасцей канцэрт.

Падобныя візіты адбываюцца з 2006 года. На гэты раз прыехалі 26 чалавек. Завіталі ў Вілейку людзі розных узростаў (аднаму было нават 64 гады) і прафесій. Сярод валанцёраў былі ўладальнікі прыватных фірмаў, хатнія гаспадыні, тэлевізійны аператар, інжынер.

Алесь ВЫСОЦКІ.

Фота vk.com