Да выхадных пацяплее
Пацяпленне чакаецца ў Беларусі да канца гэтага тыдня. Пра гэта паведаміў сёння начальнік службы гідраметэаралагічных прагнозаў Рэспубліканскага гідраметэацэнтра Дзмітры Рабаў, перадае карэспандэнт БЕЛТА.
Стабільнага надвор'я на наступным тыдні ў краіне не прагназуецца. Па словах сіноптыка, у першай палове тыдня захаваецца холад і складаныя ўмовы надвор'я, пацяпленне чакаецца толькі да канца тыдня.
На большай частцы краіны 30 кастрычніка пройдзе снег. На паўднёвым усходзе чакаецца снег з дажджом, слабы галалёд. Днём месцамі па краіне пройдуць моцныя ападкі, у многіх раёнах краіны на дарогах ўтворыцца галалёдзіца, месцамі згусціцца туман. Уначы тэмпература паветра складзе 1-8 градусаў ніжэй за нуль, на паўднёвым усходзе чакаецца да нуля - плюс 3 градусаў. Днём тэмпература будзе вагацца ад мінус 3 да плюс 3 градусаў.
Кароткачасовы снег чакаецца ў сераду, 31 кастрычніка, на большай частцы Беларусі. Днём па паўднёвым захадзе краіны пройдзе снег з дажджом. Уначы тэмпература паветра складзе нуль - мінус 5 градусаў, пры праясненнях чакаецца да 8 градусаў марозу. Днём тэмпература паветра будзе вагацца ад мінус 3 па паўночным усходзе да плюс 5 па паўднёвым захадзе краіны. У сувязі з цяжкімі ўмовамі надвор'я сіноптыкі прагназуюць галалёдзіцу на многіх участках дарог.
Пачынаючы з першых дзён лістапада ў Беларусі пачне цяплець. "На тэрыторыю краіны будзе паступаць цёплае паветра з паўднёвых шырот. Тэмпература паветра пачне расці і снежны полаг паступова растане", - адзначыў Дзмітрый Рабаў.
У чацвер месцамі па краіне пройдуць невялікія кароткачасовыя ападкі ў выглядзе мокрага снегу і дажджу. У некаторых раёнах згусціцца туман, на дарогах магчымы галалёд. У начныя і ранішнія гадзіны на асобных участках дарог галалёдзіца. Уначы тэмпература паветра будзе вагацца ад мінус 6 да плюс 1 градуса, пры праясненнях - да 8-10 градусаў марозу. Днём чакаецца ад мінус 1 да плюс 6 градусаў, па паўднёвым захадзе краіны - да 8 градусаў цяпла.
На большай частцы тэрыторыі краіны ў пятніцу, 2 лістапада, пройдуць ападкі, у асноўным у выглядзе дажджу. Месцамі згусціцца туман. На дарогах у паўночна-ўсходніх рэгіёнах магчымы слабы галалёд. Уначы тэмпература будзе ад мінус 2 градусаў па паўночным усходзе да плюс 6 па паўднёвым захадзе краіны. Днём паветра прагрэецца да плюс 1-8 градусаў, у паўднёва-заходніх раёнах слупок тэрмометра падымецца да плюс 12.
У суботу стане яшчэ цяплей. Уначы тэмпература паветра складзе 1-7 градусаў са знакам плюс. Днём паветра прагрэецца да плюс 3-10. У начны час на большай частцы тэрыторыі краіны, а днём па ўсходзе чакаюцца дажджы. Месцамі згусцяцца туманы.
Кароткачасовыя дажджы прагназуюцца ў нядзелю, 4 лістапада. У некаторых раёнах краіны згусціцца туман. Тэмпература паветра ўначы складзе нуль - плюс 5 градусаў. Днём чакаецца да 3-10 градусаў цяпла.