Дзяды ў Курапатах сёлета запланавалi на 28 кастрычніка

Традыцыйнае шэсьце ў Курапаты на Дзяды плянуецца правесьці сёлета 28 кастрычніка. Адпаведныя заяўкі пададзеныя ў Менгарвыканкам і Менскі абласны выканаўчы камітэт. Пра гэта "Свабодзе" паведаміў намесьнік старшыні партыі КХП БНФ Юрась Беленькі.

Ён сказаў, што фармат адзначэньня будзе такім, як і летась.

6 кастрычніка сябры КХП БНФ правялі ў Курапатах талаку, прыбралі мэмарыял перад Дзядамі. Яшчэ адну талаку зладзяць напярэдадні сьвята.