Цяпер з гвалтам можна змагацца

Источник материала:  

Фота liveinternet.ru.

У Беларусі ў жніўні пачала працаваць агульнанацыянальная бясплатная гарачая лінія для пацярпелых ад дамашняга гвалту –
8-801-100-8-801.

Званкі на гарачую лінію прымаюцца з дамашніх тэлефонаў штодня з 8.00 да 20.00. У аўторак і суботу з 8.00 да 14.00 на лініі дадаткова дзяжурыць юрыст. Дарэчы, яна захоўвае ананімнасць і прыватнасць зваротаў.

Лінія створаная для аказання падтрымкі ўсім, хто пакутуе ад дамашняга гвалту. Тут дапамагаюць як псіхалагічна, так і юрыдычна – могуць даць кансультацыю. На лініі таксама могуць накіраваць у іншыя ўстановы, калі патрэбную чалавеку дапамогу аказаць не ў іх сілах.
Мэнеджэр гарачай лініі Анастасія Фалейчык расказала пра сваю працу падрабязней:

– З пачатку працы гарачай лініі для пацярпелых ад дамашняга гвалту да нас звярнулася ужо 160 чалавек. Некалькі званкоў было і з Маладзечна, пераважна ў самым пачатку працы. Праблемы ў людзей розныя. Ёсць юрыдычныя, яны перавагаюць. Напрыклад, пыталіся пра ўстанаўленне апякунства, бо муж і жонка вырашылі развесціся і не могуць падзяліць дзіця. Кансультаваліся нават наконт крэдыту. Тэлефанавалі, калі гвалт учыняў чалавек, які знаходзіцца ў алкагольнай залежнасці. Таксама людзі звярталіся, бо дзіцяці трэба была псіхалагічная дапамога з-за таго, што ён бачыў дома гвалт. У асноўным звяртаюцца па дапамогу, калі вакол іх нікога няма, а чалавеку вельмі патрэбна падтрымка. Хутчэй за ўсё, гэта з-за таго, што мы працуем толькі да васьмі гадзін вечара. Але ж наша асноўная задача – аказваць эмацыянальную падтрымку ўсім, хто нам тэлефануе. Не так даўно на нашу лінію раніцай патэлефанавала жанчына. Ноччу яна пацярпела ад дамашняга гвалту.
Настасся РОЎДА. Вольга ЮРКЕВІЧ.

←«Книга жизни»

Лента Новостей ТОП-Новости Беларуси
Яндекс.Метрика