Малітва

Источник материала:

12.06.2012 — Новости Общества

Песню бярыце з сабой...

Жыццё Уладзіміра Мулявіна ўспрымаецца як песня. Беларуская — светлая, прамяністая і вельмі мілагучная, што і пяшчотай ахіне, і мужнасцю натоліць, і да справядлівасці пакліча. А сам артыст паўстае ў абліччы апоста-ла, які ўслаўляе беларускі край і моліцца за яго.

Песня "Малітва" Я. Купалы і А. Молчана стала вяршыняй у выканальніцкай дзейнасці Уладзіміра Мулявіна. Ён добра ведаў творчасць Янкі Купалы, натхняўся ёю, паводле яго твораў напісаў оперу-прыпавесць "Песня пра долю". Таму і гэтая песня стваралася Алегам Молчанам пры непасрэдным удзеле спевака. І яна загучала магутна, велічна, сцвярджальна. І на канцэртах "Песняроў", і на фестывалях, у якіх яны ўдзельнічалі ў апошнія дзесяцігоддзі.

Уладзімір Мулявін з годнасцю і гонарам нёс беларускую — народную і аўтарскую — песню, пабуджаючы сучаснікаў далучыцца да спеву. Бо песняй мацуецца патрыятычны дух, гартуецца воля, прасвятляюцца пачуцці і вера. Народ без сваёй песні — не народ, а шараговае насельніцтва. У нашай маляўнічай прасторы нельга не спяваць. Тут сама зямля спявае. Спеўна гудуць лясы, гаі, бясконцая мелодыя цягнецца над азёрамі і рэчкамі, а людзі падхопліваюць яе, уплятаюць сагрэтыя душой словы і перадаюць далей... Уладзімір Мулявін прысвяціў сваё жыццё высакароднай справе — пашырэнню беларускай песні. І яно само стала вольнай песняй...

Тэкст Янкі Купалы Музыка Алега Молчана

Я буду маліцца і сэрцам, і думамі,

Распетаю буду маліцца душой,

Каб чорная доля з мяцеліцаў шумамі

Ўжо больш не шалелі над роднай зямлёй.

Прыпеў:

Малюся я небу, зямлі і прастору,

Магутнаму Богу — Ўсясвету малюсь

Ва ўсякай прыгодзе, ва ўсякую пору

За родны народ Беларусі.

Я буду маліцца да яснага сонейка,

<І>Няшчасных зімой саграваць сірацін