"Амерыканец" падрос, "еўрапеец" і "расіянін" патаннелі

На гэтым тыдні валюты паводзілі сябе па-рознаму.

Долар падаражэў на 50 рублёў (плюс 0,6%) да 8170. Еўра пазбавіўся 110 рублёў (мінус 1%) і каштуе 10560. Расійскі рубель патаннеў на 4 беларускія грашовыя адзінкі (мінус 1,5%) да 270,5.

Таксама на гэтым тыдні стала вядома, што на 1 мая золатавалютныя рэзервы Беларусі ў вызначэнні Спецыяльнага стандарту распаўсюджвання звестак МВФ павялічыліся з пачатку года на 40,8 млн долараў ЗША і склалі 7,9567  млрд у эквіваленце. У нацыянальным жа вызначэнні павелічэнне роўнае 123 млн долараў да 9,5102 млрд.

Уладзіслаў КУЛЕЦКІ

n