РОЗГАЛАС
Летась 40% месцаў для машын у дварах сталіцы пабудавалі на сродкі грамадзян і арандатараў будынкаў, якія ёсць ля жылых дамоў. Сёлета сталічныя камунальнікі плануюць гэтую лічбу давесці да 50%.
— Кожны раз пры праектаванні капітальных рамонтаў жылых дамоў мы прадугледжваем ўладкаванне дадатковых парковачных месцаў, — расказала намеснік генеральнага дырэктара дзяржаўнай арганізацыі "Мінская гарадская жыллёвая гаспадарка" Галіна Гілевіч. — Летась з'явілася 9000 дадатковых месцаў для аўтамабіляў у дварах, але адчувальнага эфекту гэта не дало.
Сярод сёлетніх планаў сталічных камунальнікаў — 8 тысяч машынамесцаў у дварах, а таксама расшырэнне дваровых праездаў за кошт зялёных зон. Дарэчы, каб не псаваць зялёныя зоны, мінчанам прапаноўваюць варыянт з так званымі "экапаркоўкамі".
Ганна ГАРУСТОВІЧ.
Пасажырка загінула, кіроўца ўцёкУначы на сталічным праспекце Незалежнасці адбылося дарожна-транспартнае здарэнне са смяротным зыходам.
Тут адбыўся наезд на мачту вулічнага асвятлення легкавога аўтамабіля "КІА". Уладальнік машыны з месца здарэння ўцёк і зараз яго асоба высвятляецца. Сталічным выратавальнікам давялося пры дапамозе гідраўлічнага інструмента даставаць з салона аўтамабіля труп жанчыны: пасажырка ехала на пярэднім сядзенні. Асоба загінулай таксама высвятляецца.
Сяргей РАСОЛЬКА.
Літоўцаў узялі з буйной партыяй наркотыкаўЯк паведамляюць ва ўпраўленні інфармацыі і грамадскіх сувязяў МУС, днямі на чыгуначным вакзале Мінска па прыбыцці цягніка Вільнюс — Масква праваахоўнікі затрымалі двух грамадзян Літвы. У іх вялікай сумцы з двайным дном было знойдзена 5 кг метамфетаміну, 3 кг гашышу, 1 кг марыхуаны і 130 г какаіну.
Святлана БАРЫСЕНКА.