Навігацыя пачалася!

Спрыяльныя ўмовы надвор'я, што садзейнічалі вызваленню ўчасткаў унутраных водных шляхоў краіны ад лёду, дазволілі адкрыць навігацыю, паведамілі ў прэс-службе Мінтранса.

Так, у першы рэйс па прадукцыю "Граніта" пайшлі судны рачнога порта "Пінск". Рачны порт "Брэст" пачаў перавозку пяску. Сёлета "Беларускае рачное параходства" ўзяло на сябе абавязацельствы па перавозцы не менш чым 1 мільёна тон прадукцыі "Граніта", а таксама па забеспячэнні ўсіх экспартных перавозак лясных грузаў у напрамку Турцыі.

Сяргей РАСОЛЬКА.