У красавіку мінчане змогуць набыць расаду кветак прама ў дварах сваіх дамоў

Мінская гарадская жыллёвая гаспадарка сумесна з Мінскзелянбудам упершыню падчас красавіцкага месячніка па прыбіранні, добраўпарадкаванні і азеляненні гарадскіх тэрыторый арганізуе продаж кветкавай расады прама ў дварах дамоў. Пра гэта паведаміла на прэс-канферэнцыі ў Мінгарвыканкаме намеснік генеральнага дырэктара ДВА "Мінская гарадская жыллёвая гаспадарка" Галіна Гілевіч.

Пра дату, час і месца продажу пасадачнага матэрыялу жыльцы змогуць даведацца з аб'яў, якія ЖЭСЫ будуць размяшчаць ля пад'ездаў.

"Мінск—Навіны".