Беларусаў заклікаюць "спажываць" граматна
Правядзенне Дня спажыўца, які адзначаецца 15 сакавіка, сёлета будзе скіравана на павышэнне ўзроўню фінансавай і прававой граматнасці спажыўцоў фінансавых паслуг.
Як адзначыла намеснік міністра гандлю Ірына Наркевіч падчас прэс-канференцыі ў Нацыянальным прэс-цэнтры, мінулы крызісны год абвастрыў недапрацаваныя моманты ў сферы абароны правоў спажыўцоў на рынку фінансавых паслуг.
Ірына Наркевіч агучыла асноўныя праблемы ў гэтай галіне. У прыватнасці, інфармацыя пры заключэнні крэдытнай дамовы сёння недастаткова рэгламентавана. Павінен быць больш дакладна прапісаны той яе аб'ём, які абавязкова належыць атрымаць спажыўцу пры заключэнні дамовы.
Новаўвядзенні, якія распрацоўваюцца ў заканадаўстве па абароне правоў спажыўцоў, датычацца не толькі крэдытавання.
Ганна СЯРГЕЕВА.