Бывай, зіма!

Гэтымі выхаднымі беларусы актыўна праводзілі зіму — смачнымі блінамі, забавамі і гульнямі. На кірмашы "Масленіца!", што прайшоў ва ўсіх раёнах сталіцы, прыходзілі адзначыць гэтае свята цэлымі сем'ямі. У народзе заўсёды лічылася, што чалавек, які правёў масленічны тыдзень дрэнна і сумна, будзе няшчасны на працягу ўсяго года. Можа, менавіта таму каля мінскага Палаца спорту свята прайшло вельмі весела і смачна — святочны настрой падтрымлівалі лепшыя народныя калектывы Мінска.