Вучні школы каля Гродна вымушаны карыстацца прыбіральняй на вуліцы
15.02.2012 17:27
—
Новости Общества
Вучні школы каля Гродна вымушаны карыстацца прыбіральняй на вуліцы
З нядаўняга часу базавая школа ў Грандзічах атрымала статус гарадской школы № 14. Можна было б узрадвацца за дзяцей, але выгоды, якімі вымушаныя карыстацца навучэнцы, шакуюць.
Нягледзячы на пануючыя маразы, якія сягаюць нават да мінус 20 градусаў, вучні грандзіцкай школы вымушаны карыстацца прыбіральняй, якая знаходзіцца ў двары навучальнай установы. Гэтае памяшканне не мае абагрэву і дзвярэй, а тэмпература ў ім не адрозніваецца ад тэмпературы на двары. На падлозе – замерзлыя лужы з мачы, на якіх лёгка паслізнуцца.
Варта ўзгадаць, што школа мае асаблівы інтаграцыйны статус. Гэта значыць, што разам са звычайнымі ў ёй навучаюцца дзеткі з асаблівасцямі развіцця. Па словах дырэктара школы Таццяны Галавенкі, востра пытанне аб прыбіральні не стаіць і на стан здароўя вучняў халодная прыбіральня, па яе назіраннях, не ўплывае.
– Вы ж разумееце, што такія самыя ўмовы ў большасці сельскіх школ, і амаль ва ўсіх вучняў – а большасць з іх жыве ў Грандзічах – таксама і дома, – запэўнівае дырэктарка.
Па яе словах, бацькі ні на што не скардзяцца і іх усё задавальняе. Аднак бабуля аднаго з навучэнцаў школы прызналася ў размове з "ТС", што пытанне прыбіральні неаднаразова абмяркоўвалася з педагогамі і дырэкцыяй школы.
"Я нават узгадвала пра гэта ў аддзеле адукацыі", – кажа нам сталая жанчына, занепакоеная тым, што яе ўнук вымушаны наведваць марозную прыбіральню. Паводле яе слоў, у аддзеле адукацыі Ленінскага раёна Гродна ёй запрапанавалі перавесці ўнука ў іншую школу. – У нашым выпадку, а мой ўнук – хлопец з асаблівасцямі развіцця, гэта азначала б перавесці яго ў школу на вуліцы Зана, – распавядае жанчына. – Але, па-першае, да школы на Зана нам дабірацца менш зручна, чым да школы ў Грандзічах, а па-другое, і гэта больш істотнае, праграма навучання ў школе на Зана разлічаная на дзяцей, на якіх, так бы мовіць, ужо "пастаўлены крыж". Школа ў Грандзічах лічыцца інтэграцыйнай, і ў ёй мой унук мае магчымасць кантактаваць са здаровымі дзеткамі. Да таго ж мяне і яго бацькоў цалкам задавальняе праграма навучання і кваліфікацыя педагогаў менавіта ў грандзіцкай школе.
Пра праблему прыбіральні ўзгадвалі ў размове з "ТС" таксама бацькі іншых навучэнцаў грандзіцкай школы. Найбольш гэтая праблема хвалюе бацькоў дзяўчынак, якія, у сілу фізіялагічных асаблівасцяў арганізма, рызыкуюць здароўем больш за хлопцаў. Уролаг першай палікліннікі Уладзімір Урбановіч у размове з "ТС" пацвярджае, што халодная прыбіральня – гэта вельмі небяспечна:
– Прыбіральня павінна быць цёплай! Холад можа вызваць запаленне мочапалавой сістэмы, у выніку адбываюцца рэзі, могуць развіцца хранічныя захворванні. Асабліва гэта небяспечна для дзетак малодшага школьнага ўзросту і дзяўчынак, – кажа нам эксперт.
Будаваць цёплую прыбіральню ў школе ў Грандзічах… немэтазгодна
Тым часам кіраўнік аддзела адукацыі Ленінскага раёна Гродна Сяргей Ламека запэўнівае "ТС", што будаваць цёплую прыбіральню ў школе ў Грандзічах… немэтазгодна, бо ў мікрараёне плануецца будаўніцтва новай школы.
– Мы прапанавалі бацькам пераводзіць сваіх дзяцей у іншыя школы, але ніхто гэтага не зрабіў. Скаргаў на школу няма, значыць, праблема не існуе, – падсумоўвае чыноўнік.
Атрымліваецца, што, калі бацькі па нейкіх прычынах не скардзяцца на рызыку, якой падвяргаюцца іх дзеці, то і абараніць гэтых дзяцей няма каму. Улады ды іншыя кампетэнтныя службы сыходзяць з прынцыпу: няма скаргаў – няма праблемы.
Нягледзячы на пануючыя маразы, якія сягаюць нават да мінус 20 градусаў, вучні грандзіцкай школы вымушаны карыстацца прыбіральняй, якая знаходзіцца ў двары навучальнай установы. Гэтае памяшканне не мае абагрэву і дзвярэй, а тэмпература ў ім не адрозніваецца ад тэмпературы на двары. На падлозе – замерзлыя лужы з мачы, на якіх лёгка паслізнуцца.
Варта ўзгадаць, што школа мае асаблівы інтаграцыйны статус. Гэта значыць, што разам са звычайнымі ў ёй навучаюцца дзеткі з асаблівасцямі развіцця. Па словах дырэктара школы Таццяны Галавенкі, востра пытанне аб прыбіральні не стаіць і на стан здароўя вучняў халодная прыбіральня, па яе назіраннях, не ўплывае.
– Вы ж разумееце, што такія самыя ўмовы ў большасці сельскіх школ, і амаль ва ўсіх вучняў – а большасць з іх жыве ў Грандзічах – таксама і дома, – запэўнівае дырэктарка.
Па яе словах, бацькі ні на што не скардзяцца і іх усё задавальняе. Аднак бабуля аднаго з навучэнцаў школы прызналася ў размове з "ТС", што пытанне прыбіральні неаднаразова абмяркоўвалася з педагогамі і дырэкцыяй школы.
"Я нават узгадвала пра гэта ў аддзеле адукацыі", – кажа нам сталая жанчына, занепакоеная тым, што яе ўнук вымушаны наведваць марозную прыбіральню. Паводле яе слоў, у аддзеле адукацыі Ленінскага раёна Гродна ёй запрапанавалі перавесці ўнука ў іншую школу. – У нашым выпадку, а мой ўнук – хлопец з асаблівасцямі развіцця, гэта азначала б перавесці яго ў школу на вуліцы Зана, – распавядае жанчына. – Але, па-першае, да школы на Зана нам дабірацца менш зручна, чым да школы ў Грандзічах, а па-другое, і гэта больш істотнае, праграма навучання ў школе на Зана разлічаная на дзяцей, на якіх, так бы мовіць, ужо "пастаўлены крыж". Школа ў Грандзічах лічыцца інтэграцыйнай, і ў ёй мой унук мае магчымасць кантактаваць са здаровымі дзеткамі. Да таго ж мяне і яго бацькоў цалкам задавальняе праграма навучання і кваліфікацыя педагогаў менавіта ў грандзіцкай школе.
Пра праблему прыбіральні ўзгадвалі ў размове з "ТС" таксама бацькі іншых навучэнцаў грандзіцкай школы. Найбольш гэтая праблема хвалюе бацькоў дзяўчынак, якія, у сілу фізіялагічных асаблівасцяў арганізма, рызыкуюць здароўем больш за хлопцаў. Уролаг першай палікліннікі Уладзімір Урбановіч у размове з "ТС" пацвярджае, што халодная прыбіральня – гэта вельмі небяспечна:
– Прыбіральня павінна быць цёплай! Холад можа вызваць запаленне мочапалавой сістэмы, у выніку адбываюцца рэзі, могуць развіцца хранічныя захворванні. Асабліва гэта небяспечна для дзетак малодшага школьнага ўзросту і дзяўчынак, – кажа нам эксперт.
Будаваць цёплую прыбіральню ў школе ў Грандзічах… немэтазгодна
Тым часам кіраўнік аддзела адукацыі Ленінскага раёна Гродна Сяргей Ламека запэўнівае "ТС", што будаваць цёплую прыбіральню ў школе ў Грандзічах… немэтазгодна, бо ў мікрараёне плануецца будаўніцтва новай школы.
– Мы прапанавалі бацькам пераводзіць сваіх дзяцей у іншыя школы, але ніхто гэтага не зрабіў. Скаргаў на школу няма, значыць, праблема не існуе, – падсумоўвае чыноўнік.
Атрымліваецца, што, калі бацькі па нейкіх прычынах не скардзяцца на рызыку, якой падвяргаюцца іх дзеці, то і абараніць гэтых дзяцей няма каму. Улады ды іншыя кампетэнтныя службы сыходзяць з прынцыпу: няма скаргаў – няма праблемы.