У Мінску перакуліўся грузавік з півам

У сталіцы на ўнутраным кольцы МКАД непадалёк ад Чыжоўкі 2 лютага перакуліўся грузавік з півам. Аўтамабіль належыць мінскаму заводу "Крыніца".

Як паведаміла "Звяздзе" старшы інспектар па агітацыі і прапагандзе АДАІ Заводскага РУУС Мінска Анастасія Крахціна, 23-гадовы кіроўца грузавіка падчас выбару хуткасці не ўлічыў габарытаў транспартнага сродку, наяўнасці грузу і асаблівасцяў надвор'я. У выніку грузавік вынесла ў крайнюю левую паласу, дзе ён сутыкнуўся з "Вольва", урэзаўся ў раздзяляльны парапет і перакуліўся на правы бок.

Ні кіроўца, ні груз (а гэта была слабаалкагольная прадукцыя і піва) не пацярпелі. Праўда, для таго, каб падняць грузавік, піва давялося выгрузіць.

Алена АЎЧЫННІКАВА.