У дашкольных установах Маладзечна выявілі парушэнні санітарных правілаў

Падчас праверак дзіцячых дашкольных устаноў спецыялісты цэнтра гігіены выявілі парушэнні санітарных нормаў і правілаў.

Праверкі ў трох дашкольных установах прайшлі на працягу студзеня ў адпаведнасці з планам кантрольнай дзейнасці. 

Паводле інфармацыі сайта Маладзечанскага занальнага ЦГіЭ, выяўленыя наступныя парушэнні:

- ва ўстановы паступае сырая гародніна без суправаджальных дакументаў, якія пацвярджаюць іх якасць і бяспечнасць.

- парушаецца тэхналогія прыгатавання страў.

За выяўленыя парушэнні складзена чатыры пратаколы аб адміністрацыйных парушэннях.