"Кітайскія" манеты ў Беларусі

Нацыянальны банк увёў у абарачэнне памятныя манеты "Беларусь — Кітай. 20 гадоў дыпламатычных адносін".

Першая, сярэбраная, мае намінал 20 рублёў, пробу сплаву 925, масу 33,63 грама і дыяметр 38,61 міліметра. Другая, медна-нікелевая, намінал 1 рубель, масу 13,16 грама і дыяметр 32 міліметры. Манеты адчаканены на АТ "Манетны двор Польшчы" якасцю "пруф" (сярэбраная) і "пруф-лайк" (медна-нікелевая). Тыраж — 1500 і 2000 штук адпаведна.

Уладзіслаў КУЛЕЦКІ.