Пратрымацца першыя 10 гадоў

Часцей за ўсё разводзяцца сямейныя пары, якія пражылі ў шлюбе 5-9 гадоў, паведамляе ЮНФПА ў Беларусі. Сярод беларускіх скасаваных шлюбаў найбольшая ўдзельная вага — каля 44 працэнтаў мужчын і столькі ж жанчын — прыпадае на ўзрост ад 25 да 34 гадоў.

Сельскія сем'і больш устойлівыя. Летась на 1000 гараджан прыпадала 4,5 развода, у сельскай мясцовасці — 2,1. З агульнай колькасці тых, хто ўступае ў шлюб, каля 75 працэнтаў мужчын і столькі ж жанчын упершыню рэгіструюць шлюб. Кожны чацвёрты зарэгістраваны летась саюз быў паўторным. Узрост уступлення ў першы ці паўторны шлюб паступова павялічваецца.

Святлана БАРЫСЕНКА.