Старшыні канцэрна "Беллеспаперапрам" аб'яўлена вымова за зрыў рэалізацыі інвестпраекта

Старшыня Беларускага вытворчага канцэрна лясной, дрэваапрацоўчай і цэлюлозна-папяровай прамысловасці Уладзімір Шульга атрымаў вымову. Аб гэтым БЕЛТА паведамілі ў апараце дзяржкіравання.

Вымова старшыні канцэрна аб'яўлена за незабеспячэнне належнага кантролю за своечасовай рэалізацыяй інвестыцыйнага праекта, ажыццяўленне якога было прадугледжана Указам Прэзідэнта № 529 ад 18 кастрычніка 2007 года "Аб некаторых мерах па развіцці дрэваапрацоўчай прамысловасці". Фактычна адсутнасць належнага кантролю з боку кіраўніка канцэрна прывяла да зрыву тэрмінаў рэалізацыі інвестпраекта.

У адпаведнасці з указам у Беларусі з 2007 года ажыццяўляецца будаўніцтва, тэхнічнае перааснашчэнне, мадэрнізацыя і рэканструкцыя шэрагу прадпрыемстваў дрэваапрацоўчай галіны: ААТ "Барысаўдрэў", "Віцебскдрэў", "Гомельдрэў", "Івацэвічдрэў", "Мастоўдрэў", "Рэчыцадрэў", "ФанДАК", "Магілёўдрэў" і РВУП "Мазырскі дрэваапрацоўчы камбінат".

У цэлым рэалізацыя праектаў на ўсіх прадпрыемствах вядзецца эфектыўна і ў тэрмін. Аднак адсутнасць належнага кантролю з боку Уладзіміра Шульгі прывяла да зрыву тэрмінаў рэалізацыі інвестыцыйнага праекта па рэканструкцыі і тэхпераўзбраенню вытворчасці ААТ "Магілеўдрэў", за што, паводле рашэння ўрада, яму і аб'яўлена вымова.