Прамая трансляцыя жалобнай імшы і пахавання кардынала Казіміра Свёнтка

На афіцыйным сайце Каталіцкага Касцёла ў Беларусі Catholic.by пачалася інтэрнэт-трансляцыя жалобнай святой Імшы ў Пінску і пахавання кардынала Казіміра Свёнтка ў крыпце мясцовага касцёла Унебаўзяцця Найсвяцейшай Панны Марыі.

Найстарэйшы каталіцкі іерарх Беларусі адышоў у вечнасць 21 ліпеня 2011 года на 97-м годзе жыцця. Развітанне з ім у Мінску адбылося 24 ліпеня. Кардынал Свёнтэк зрабіў вялікі ўклад у адраджэнне Касцёла ў Беларусі, стаў прыкладам веры і чалавечай мужнасці для беларускіх хрысціянаў.