У Магілёве можна выклікаць цырульніка на дом

Адзіная дыспетчарская служба па аказанні бытавых паслугаў на базе мясцовага Цэнтра развіцця малога прадпрымальніцтва працуе з 4 ліпеня.

Цяпер праз тэлефонны званок магілёўцы могуць замовіць сабе на дом майстра па рамонце тэлевізара, лядоўні, цырульніка і нават спецыяліста па хімчыстцы, адзначае сайт магілёўскага гарвыканкама city.mogilev.by.

Званок на нумар дыспетчарскай службы з’яўляецца бясплатным. Супрацоўнікі службы самастойна падбіраюць неабходных спецыялістаў з улікам патрабаванняў кліента.