З 8 чэрвеня павялічваюцца цэны на свініну

Гранічныя максімальныя адпускныя цэны на свініну патушную ў Беларусі з 8 чэрвеня павялічваюцца на 10 працэнтаў. Такое рашэнне змешчана ў пастанове Міністэрства эканомікі ад 6 чэрвеня гэтага года № 87, паведамілі БЕЛТА ў прэс-службе Мінэканомікі.

У сувязі з ростам сусветных цэн на важнейшыя сыравінныя рэсурсы і завозімыя па імпарце бялковыя дабаўкі для вытворчасці камбікармоў, змяненнем сітуацыі на валютным рынку сельгасвытворцамі былі павялічаны закупачныя цэны на свіней.Гэту пастанову Міністэрства эканомікі прыняло па прапанове Мінсельгасхарча ў мэтах частковай кампенсацыі падаражэння мясной сыравіны, устаранення значнага разрыву з цэнамі на свініну ў суседніх рэгіёнах і прадухілення несанкцыянаванага вывазу мяса за межы рэспублікі. У адпаведнасці з гэтым дакументам унесены дапаўненні і змяненні ў пастанову Міністэрства эканомікі ад 27 красавіка 2011 года № 65.